استحقار امراة

 

الحڨرة الجزء  1..💔 

انا بنت 23سنة راني مقنوطة و حاجة توجع في قلبي بزاااف حبيت نحكيلكم بلاك تتنحالي هدي لوجعة مقدرتلهاش كنت كما وحدة مع قرايتي لحقت 15 سنة تخطبت و درت عرسي في 17 سنة غير سمانة مزواجي بداو مشاكل مع راجلي كنت دايرا في بالي زواج مليح بصح واش عشت كابوس راجلي ولا غير يتخل مدار يسبني يشنف يضرب لباب بلا سبة حتى ولا يضربني توجور مبكيني مقنطني كنت نخليها في قلبي و نتحمل و نقول بلاك يفتح ربي تتبدل حياتي بعد يمات وليت نسمع عجوزتي و لوستي يحرشو راجلي عليا و يكذبو عليا على حجات انا مدرتهمش ولا كلما يتخل لدار يحاسبني على اتفه الامور باش غير يضربني و نحالي تيليفوني هكا منحكيش والديا واش راه صريلي جامي خرجني ولا فرحني ولا كساني غير غبينة مور ختها جاز عام لول تاع زواجي وانا بلا ذراري ولاو يعايروني عاڨرة ونهار كامل و راجلي و ناس داري يسمعوني كلام يجرح مع العلم مكانوش يخلوني نمس طيابهم دايريني غير لنشاف و لماعن و حوايج ولاو كامل ميهدروش كنت نحس روحي وحدي كامل يضحكو غير نروح ليهم يسكتو و يعذبلو اه يا ربي كنت نتمنا لموت في كل دقيقة كنت متزوجة غير بلاسم والديا هو يشرولي يكسوني اذا مرضت يداووني يعطوني دراهم راجلي يسرقهملي ذهبي سرقولي حتى قشي يا ناس خياتو داوهملي سرقولي كلشي رجعوني كما طلابة كانت ........... 

الحڨرة الجزء 2..💔

كانت غير ماما مصبرتني و تقلي اصبري هدرت ناس صعيبة انشاء الله يرزقك الذرية تتبدل حياتك صبرت على لمعيشة لكلاب 

لحقت عام و8 اشهر عرفت روحي راح نولي ام شحال فرحت و بكيت ملفرحة كسمع راجلي قالي جيبي طفل انا نحب دراري ماشي بنات كشغل بيدي انا غير بديت نتوحم وليت نحب نرقد و مناكلش طيابي نحب لما بارد و لبيض هذي مهيش حاجة كبيرة بسيطة جدا بصح هوما اشرار حرموني ملماكلة و لما و راجلي ولا يضربني بزاف ولات لطونسيو تهبطلي حتى 4 خفت على البيبي وليت غير حاكمة فراش و قاعدة  

راجلي و دارهم مساعدهمش حالتي هكا حاوزوني رحت لدارنا كملت ايامي مع والديا زيت في دارنا و ربيت بنتي صغيرة شابة شهرين مع دارنا تمت باش جا راجلي مع يماه يرجعوني بصح دايريلي زعما كوزينة وحدي قلت اوكي على جال بنتي باش منيتمهاش رجعت قلت بلاك راه تبدل في عقليتو راني ام بنتو رحت معاهم جازو 20 يوم رجعو مشاكل هوما ميحبوش لبنات بصح حابين يبعدو بنتي عليا زكارة و انتقام مني ولاو يجو ينوضولي بنتي حتى مسكينة تفطن مخلوعة فليل ناس راقدة و هوما يضبخو قدام باب..........

الحڨرة الجزء 3..💔

لمتوني علاش صبرت معا راجلي واش ندير والديا يقولولي صبري هدرت ناس واعرة و دايرين في بالهم مطلقة حاجة كبيرة المجتمع ميرحمش لوكان كشما يسرالهم شكون بيا مرت خويا بلاك متحبنيش وتبدل خويا عليا راكم عرفين ناس تموت على بوليتيڨ والديا هو لكسروني بكلمة متنفعك غير دارك صبري خمو عليا 

 نكملو كنت نهاري كامل نجوزو مع بنتي كنشوفها تضحك ننسا كلشي و اذا خصها حليب ولا لكوش ملابس جيبلها ماما راجلي مكاش خدام محبش يخدم زكارة فيا و يماه محرشاتو متخدمش زعما انا نديلو دراهم ولا ليل مع نهار مقابلني و يكرهلي حياتي جازو شهرين قلي لازم جيبيلي طفل محبيتش مع لول حتى حتم عليا زاد ربي رزقني بطفة نهار لزيت انا فصبيطار عيطلي رخصني بكيت بزاف بصح والله متعيت عليه كخرجت لدار قالي بنتك ماشي شابة وعلاه دايرة هكا حمرة راح عند يماه يبكي بسك ولا عندو زوج بنات ولاو خاوتو والديه يسبرو فيه رجعت لداري قنتها في قلبي وست خفت راني نافس كشما يصرالي بناتي يتيتمو جازو نهارات هكا غير ماشكل و لجوع بناتي خصهم بزاف عفايس لحليب ومكاش جا نهار...........

الحڨرة الجزء 4 والاخير..💔

حللت راجلي روح نشوف ماما توحشتهم رحت اقعد 4ايام كنت انا و ختي تخل كما لوحش دالي بنتي لكبيرة وراح قالي منحتاجكش اقعدي في داركم اصبرت جات والديا عيطولو لقاو بنتي في صبيطار تالمو خلعها بكات بزاف عليا لحقت 5 تاع عشيا رجع قالي ندي بنتي صغيرة وليت نبكي غاضوني بناتي رحت معاه كما لكلبة يا ناس طريق كاملة و هو يضرب فيا و كلام الجارح غير لحقت لدار جات ختو نحاتلي بنتي من يدي و داتها خباتها و يماه تعيط عليا و شادتني من يدي و راجلي يضرب قريب قتلوني الحمدلله لجا باباه سلكني و عطاني بناتي و رحت لداري جا زو يمات كما لعادة مشاكل و ضراب حتى مينذاك يسلكوني جيران كرحت حياتي والله عييت بزاف تخل راجلي حشيا دارلي سبة ضربني و خرج و كان في كل يوم يقلي كرهتك نطلقك و نحيلك بنات خلاص لحقني لموس للعضم مقدرتش نزيد نصبر وليت منخممش ستنيت لحق لفحر و بان لحال مشيت من دار هذيك و انا في بالي غير روح نموت نرتاح غاضتني عمري نمشي وحدي منيش عارفة وين راني غير نبكي و نتخايل بناتي قدامي والله مكنت حاسة بروحي كشغل عقلي طار مكنتش نخمم قعت غير نمشي لحقت بطيمة تخبيت تحت درج كلحق نهار خرجت مشيت شويا نحوس وين نرمي روحي باش نموت شدوني زوج نسا رجعوني عقلي داوني عند لبوليس حكيت كلشي الحمدلله راني في دارنا مع بناتي راني معاه فطلاق.

النهااااية❣️

رأيك في القصة 😉